प्रदेश

मकवानपुर। हेटौँडा–काठमाडौँ जोड्ने भीमफेदी–कुलेखानी–काठमाडौँ सडक खण्डअन्तर्गत भीमफेदी गाउँपालिका—६ जुरीखेतस्थित सडकमा आज साँझ भएको सुमो गाडी दुर्घटनामा छ जनाको मृत्यु भएको छ । काठमाडौँबाट हेटौँडातर्फ आउँदै गरेको ना१ज १७७८ नंको सुमो गाडी दुर्घटना हुँदा घाइते भएका नौ जनामध्ये छ जनाको उपचारका क्रममा मृत्यु भएको जिल्ला प्रहरी कार्यालय मकवानपुरका प्रवक्ता, प्रहरी नायब उपरीक्षक पुष्कर बोगटीले जानकारी दिनुभयो । मृतकहरूको सनाखत हुन बाँकी छ । प्रवक्ता एवम् प्रहरी नायब उपरीक्षक बोगटीका अनुसार घाइतेलाई उद्धार गरी उपचारका लागि हेटौँडा अस्पताल पु¥याइएको थियो । तीन जनाको भने सोही हेटौँडा अस्पतालमा उपचार भइरहेको छ ।

मकवानपुर। भीमफेदी गाउँपालिका–६ जुरीखेतस्थित भीमफेदी–कुलेखानी–काठमाडौं सडकखण्डमा सुमो गाडी दुर्घटना हुँदा ९ जना घाइते भएका छन्। मिति २०८२ साल ०९ महिना २० गते साँझ करिब ५ः२० बजे काठमाडौंबाट हेटौंडातर्फ आउँदै गरेको ना.१ ज १७७८ नम्बरको सुमो गाडी अनियन्त्रित भई सडकबाट करिब १०० मिटर तल खोल्सामा खस्दा दुर्घटना भएको हो। दुर्घटनाको खबर प्राप्त हुनासाथ इलाका प्रहरी कार्यालय भीमफेदी, मकवानपुरबाट प्रहरी टोली साँझ ५ः३० बजे घटनास्थलमा पुगेर उद्धार कार्य गरेको थियो। सुमोमा सवार ९ जनालाई उद्धार गरी उपचारका लागि हेटौंडातर्फ पठाइएको प्रहरीले जनाएको छ। घाइतेमध्ये ६ जना पुरुष, १ जना महिला, १ बालक र १ बालिका रहेका छन्। प्रहरीका अनुसार ७ जनाको अवस्था…

मकवानपुर । पुष १२/राष्ट्रिय मुक्ति पार्टीसँग आबद्ध मकवानपुरका चार जना केन्द्रीय तथा जिल्लास्तरीय नेताहरूले सामूहिक रुपमा पार्टी परित्याग गरेका छन्। पार्टी नेतृत्व, काम गर्ने शैली तथा संगठनात्मक प्रक्रियाप्रति असन्तुष्ट रहँदै उनीहरूले आफ्नो जिम्मेवारी पदबाट राजीनामा दिएको पत्र केन्द्रीय सचिवालयमा पठाएका हुन्। राजीनामा पत्रमा उल्लेख भएअनुसार, पार्टीको विविधता दर्ता प्रक्रिया तथा हालै सम्पन्न भएका संगठन विस्तार गतिविधिमा आफूहरूलाई उपेक्षा गरिएको भन्दै नेताहरूले असन्तुष्टि प्रकट गरेका छन्। पत्रमा उनीहरूले पार्टीको आन्तरिक छलफल र निर्णयमा सहभागी हुन नदिइएको तथा जिम्मेवारी प्राप्त गर्नेहरूका माग र मनोभावनालाई बेवास्ता गरिएको आरोप लगाएका छन्। राजीनामा दिनेहरूमा राजनीतिक समिति सदस्य भिम बहादुर रुम्बा, केन्द्रीय समिति सदस्य योग बहादुर…

मकवानपुर। एआई प्रविधिमा आधारित बहुभाषिक सूचना प्लेटफर्म दागाची एप, मकवानपुरमा आयोजित पत्रकार सम्मेलनमार्फत सार्वजनिक गरिएको छ। मनसाचोकस्थित डाँफे प्यालेस होटलमा आज पत्रकार सम्मेलन मार्फत एपका नेपाल प्रतिनिधि माधव सापकोटाले दागाची एपको उद्देश्य, कार्यप्रणाली र भविष्यका योजनाबारे विस्तृत जानकारी गराएको हो । प्रतिनिधि सापकोटाका अनुसार यो एपको मुख्य लक्ष्य कोरियामा कार्यरत र भविष्यमा कोरिया जाने तयारीमा रहेका विदेशी नागरिकलाई भाषागत अवरोध बिना सही र विश्वसनीय सूचना उपलब्ध गराउनु हो। हाल कोरियामा रहेका विदेशी कामदार, विद्यार्थी र पर्यटकहरूले सरकारी सूचना बुझ्न, रोजगारी, आवास, इन्टर्नसिप, कानुनी प्रक्रिया र आपतकालीन अवस्थामा सही निर्णय लिन कठिनाइ भोग्दै आएका छन्। यस्ता समस्याको समाधान गर्न यो एप…

मकवानपुर। नेपाली राजनीतिको हालको परिदृश्य हेर्दा एउटा गम्भीर प्रश्न उठिरहेको छ — देशको राजनीतिक दिशा कता जाँदैछ? नयाँ पुस्ताले परिवर्तनको आशा बोकेका छन्, तर राजनैतिक दलहरु पुरानै अनुहारमै भर परिरहँदा जनतामा निराशा बढेको छ। नेपाली कम्युनिस्ट पार्टीजस्ता ठूला दलहरुमा अहिले वडास्तरदेखि प्रदेश तहसम्म थुप्रै नेताहरू छन्। कोही वडा अध्यक्ष, कोही नगर प्रमुख, त कोही प्रदेश सभा सदस्य। यिनै नेताहरु अहिले फागुन २१ गते हुने प्रतिनिधि सभा चुनावको टिकट पाउन दौडधुप गरिरहेका छन्। तर यो सन्दर्भमा एउटा गम्भीर प्रश्न उठ्छ— "पाएको जिम्मेवारी पुरा नगरी, अझ ठूलो पदको खोजी गर्नु जनताको विश्वास माथिको धोका होइन र?" ! कुनै नगर प्रमुख वा वडा अध्यक्ष…

मकवानपुर। मंसिर ०८/ मकवानपुरको कैलाश गाउँपालिका वडा नम्बर १० गोपीराङमा १० घरधुरीमा शौचालय निर्माण हुने भएको छ। तामाङ र सीमान्तकृत चेपाङ समुदायको बसोबास रहेको उक्त स्थानमा सुरक्षित तथा व्यवस्थित शौचालय निर्माण हुने भएपछि स्थानीयवासीमा खुसी छाएको छ। मंगलबार आयोजित कार्यक्रममा गाउँपालिका अध्यक्ष लोकबहादुर मुक्तानले लाभग्राही परिवारलाई शौचालय प्यान हस्तान्तरण गर्दै तोकिएको समयसीमाभित्र निर्माण सम्पन्न गर्न आग्रह गर्नुभयो। “खाल्डो खनी सक्नुभएको छ, अब तोकिएको समयभित्र शौचालय निर्माण सम्पन्न गर्नुस्,” अध्यक्ष मुक्तानले भन्नुभयो। उहाँले राज्यले अघि सारेको ‘एक घर–एक धारा’ अवधारणाअन्तर्गत शौचालय र सरसफाइ प्रमुख सूचकका रूपमा रहेको उल्लेख गर्दै जथाभावी दिशापिसाबले पानीजन्य तथा अन्य विभिन्न रोग लाग्ने जोखिम बढ्ने बताउनुभयो। “अब…

मकवानपुर। किर्ते नागरिकता प्रमाणपत्र बनाएको तथा झुटो विवरण पेश गरी जग्गा नामसारी गरेको कसुरमा जिल्ला अदालत मकवानपुरले वडाध्यक्षसहित सात जनालाई दुई वर्षदेखि आठ वर्षसम्म कैद सजाय सुनाएको छ । जिल्ला न्यायाधीश पूर्णिमा कोईरालाको इजलासले आइतबार बकैया गाउँपालिका–४ का वडाध्यक्ष राजन दंगाल, वडा सचिव अनिशा श्रेष्ठ, सोमबहादुर न्यासुर, सानुमान थिङ र जमानसिंह भ्लोनलाई जनही दुई वर्ष कैद र २० हजार रुपैयाँ जरिवानाको फैसला गरेको हो। यस्तै, पूर्णबहादुर भ्लोन र रामबहादुर न्यासुरलाई आठ वर्ष कैद तथा एक लाख ३० हजार रुपैयाँ जरिवाना तोकिएको छ। अदालतका अनुसार नागरिकता सम्बन्धी कसुरमा पाँच वर्ष कैद र एक लाख रुपैयाँ जरिवाना तथा पञ्जीकरण कसुरमा तीन वर्ष…