समाचार

मकवानपुर। आगामी निर्वाचनलाई लक्षित गर्दै निर्वाचन आयोगले मिडिया सेन्टर सञ्चालनमा ल्याएको छ । आगामी माघ ११ गतेका लागि तय भएको राष्ट्रिय सभा निर्वाचन र आगामी फागुन २१ गतेका लागि तय भएको प्रतिनिधि सभा सदस्यको निर्वाचनसम्बन्धी गतिविधिबारे जानकारी दिन तथा सञ्चारमाध्यमसँग पारस्परिक सम्बन्ध स्थापित गर्न आयोगले शुक्रवारदेखि आयोगकै कार्यालयमा मिडिया सेन्टर सञ्चालनमा ल्याएको हो । आयोगले शुक्रवारदेखि सञ्चालनमा आएको मिडिया सेन्टरमा पत्रकार सम्मेलन गर्दै निर्वाचनसम्बन्धी सूचना एकीकृत रूपमा प्रवाह गर्नको लागि मिडिया सेन्टरको स्थापना गरिएको जनाएको छ । आयोगका सहसचिव एवं प्रवक्ता नारायणप्रसाद भट्टराईले मिडिया सेन्टरमार्फत निर्वाचनसम्बन्धी आधिकारिक सूचना प्रवाह, पत्रकार सम्मेलन आयोजना तथा सञ्चारमाध्यमलाई सत्यतथ्य समाचार उपलब्ध उपलब्ध गराउन सेन्टरको…

मकवानपुर। स्थानीय बजारमा सुनको मूल्य आज पनि बढेर रेकर्ड ब्रेक गरेको छ । अघिल्लो दिन तोलामा ५ हजार ५०० रुपैयाँले बढेर २ लाख ६७ हजार २०० रुपैयाँ पुगेको सुनको भाउ आज थप ९०० रुपैयाँले बढेको हो । नेपाल सुनचाँदी व्यवसायी महासंघका अनुसार आज छापावाला सुन प्रतितोला २ लाख ६८ हजार १०० रुपैयाँमा कारोबार भइरहेको छ । यस्तै, आज चाँदीको मूल्य पनि तोलामा १६५ रुपैयाँले बढ्दै ४ हजार ४२० रुपैयाँ पुगेको छ । यो पनि हालसम्मकै उच्च मूल्य हो । अघिल्लो दिन चाँदी प्रतितोला ४ हजार २५५ रुपैयाँमा कारोबार भएको थियो ।

मकवानपुर । २०८२ पौष १/ भीमफेदी गाउँपालिका–३ स्थित पोलदम्कीमा बागमती प्रदेश सरकारको तीन करोड रुपैयाँको लागतमा निर्माण हुन लागेको पक्की पुलको शिलान्यास गरिएको छ। स्थानीय जनजीवनलाई प्रत्यक्ष राहत दिने उद्देश्यसहित निर्माण हुन लागेको यस पुलको शिलान्यास मंगलबार एक भव्य समारोहबीच सम्पन्न भएको हो। नेपाली कम्युनिष्ट पार्टी (नेकपा) केन्द्रीय सदस्य तथा बागमती प्रदेशकी पूर्व सामाजिक विकास मन्त्री कुमारी मोक्तानले पुलको शिलान्यास गर्नुभएको हो। कार्यक्रममा बोल्दै उहाँले वडा नं ३ का अध्यक्ष प्रितिलाल लामाको नेतृत्व र निरन्तर पहलका कारण परियोजना मूर्तरूप लिन सफल भएको बताउनुभयो। “वडा अध्यक्ष प्रितिलाल लामाको सक्रियताले यस क्षेत्रको विकासले गति लिएको छ। उहाँकै पहलमा आज तीन करोडको पुल…